VISITA TURÍSTICA POR QUIROGA.
CASA DO CONCELLO DE QUIROGA.
VISITA TURÍSTICA POLA
BISBARRA DE QUIROGA,
Por Xabier Lago
Mestre.
Se chegamos a esta comarca ou
bisbarra en tren debemos baixarnos na estación de San Clodio. Esta población
tivo o seu maior desenvolvemento económico coa construción dos encoros e saltos
hidráulicos no río Sil. Situación que compartíu con outras vilas veciñas, casos
de A Rúa e O Barco de Valdeorras.
Comezamos
a nosa andaina polas fermosas rúas de S. Clodio. O primerio edificio que
salientamos é a nova Casa do Concello, na praza da estación. Soldón pertence ao
concello de Ribas del Sil. O trazado urbano moi ben coidado. Parámonos ante un
cartel turístico que nos indica a historia da RÚA DA LIBERDADE. Resulta que o
seu nome é lembranza do apoio á II República española. Pero o curioso do caso é
que o día 22 de xullo tivo o apoio dos mineiros bercianos que chegaron en tren
desde a nosa comarca, fuxindo da represión franquista. Os nosos mineiros
tiveron que fabricar bombas mediante botes baleiros de pementos, segundo dicía
a rumoroloxía popular. Á vez houbo que loitar coas tropas falanxistas, que
viñan da cidade de Lugo, á altura da ponte de ferro cos mineiros bercianos.
Destacan
entre os seus monumentos a dita ponte de ferro, de Pedro Mancebo, que xa
proxectara a ponte internacional de Tui, e que garda influenza da obra de
Eiffel. O primeiro piar metéuse no río Sil no ano 1833, e tivo un custo de
261.923 pts. Probouse a resistencia da dita ponte facendo pasar pola súa
calzada varios carros, tirados por tres parellas de caballos, cun peso de 12
toneladas de carga cadaún deles. A fermosa ponte permítenenos desfrutar do
paseo fluvial e das vistas do grande río Sil.
ESTACIÓN DE SAN CLODIO-QUIROGA
Da
antiga abadía, consérvase a coñecida Torre da abadía, que foi centro da
Inquisición. Practicouse a tortura dos reos mediante o sistema de goteira,
deixando caer pingas do teito sobre as cabezas dos sufridores. Outros
monumentos salientables son: As Muradelas, minas situadas en Figueiredo, O
Miradoiro de Pena do Ladeiro, o meandro do río Sil en Cubela, o pazo de
Bataneros, a igrexa de Sta. María de Torbeo (século XII), o portaco de la
abadía de S. Clodio, estes dous últimos foron os mosteiros principais da
contorna. Outros conflitos sociais de importancia foron os antiseñoriais. Así
foi contra os cabaleiros da Orde Militar de S. Xoan na súa encomenda de
Quiroga, e tamén a irmandiña contra o conde de Lemos.
Outra
curiosidade histórica é que no ano 1833 o concello decidiu deixar de ser da
provincia de Ourense para pasar a Lugo, mentres que a capital de Torbeo pasou a
ser S. Clodio. Los bercianos ben recordamos esa data porque significou a perda
da nosa histórica provincia do Bierzo. O
ferrocarril chegou en 1883 a S. Clodio, e substitúe á recuas de bestas dos
maragatos que traían pan de Vilafranca e levaban xamóns, mel, cera, madeiras,
viños, minerais e gando variado.
EN DIRECCIÓN PARA QUIROGA.
Collemos
unha longa rúa que nos levará para a veciña vila de Quiroga. Os dous concellos
están separados polo río Sil que cruzamos por unha nova e grande ponte. O
primeiro predio queirogués, na outra ribeira, nos recibe coa escultura dun
hórreo. Unha larga estrada lévanos ao centro urbano de Quiroga. As súas novas
casas son manifestación do seu desenvolvemento económico. Vemos unha importante
actividade comercial, propia dun centro comarcal desta categoría. Ten dúas
feiras gandeiras, os días 10 e 27 de cada mes, localizadas na rúa regueiral.
Tamén conserva a feira do viño para o sábado de Pascua, e outra de mel para o
10 de agosto.
PRAZA MAIOR DA VILA DE QUIROGA
Entre
os monumentos de Quiroga sobresaen a igrexa parroquial de S. Martiño (1864 e
1870), e a Casa do Concello, da segunda metade do século XIX. Para o desfrute
das augas hai zonas de baño no chamado Pozo Negro, no río Quiroga, tamén en
Augasmestas, neste caso no río Sil, e outra zona de lecer en Conceado, no río
Lor. Outros monumentos de interese son
as ferrarías de: Gorgueira en Paradaseca, Paleiras en Pacios da Sena, Quintá no
Hospital, Rugando en Parada piñol, O Mazo no Soldón da Seara e Roxa longa en
Vilarbacú.
Un
amplio concello de Quiroga conserva numerosas parroquias rurais que paga a pena
ver. A de Santiago en Augasmestas, Sta. Mª de Bedilló, Sta. Isabel de
Cereixido, S. Mamede de Hermida, S. Lorenzo de Nocedo. As parroquias organizan populares
festas patronais ao longo do ano, en Bustelo de Fisteus, festa de S. Bartolome
no Hospital (24 e 25 de agosto), Pacios de Sera, S, Miguel en Montefurado (29
de setembro), Paradaseca, S, Martiño en Quiroga (11 de novembro), S. Brais en
Pacios de Mondelo (3 de febreiro), Quintá de lor, A Seara, Vilaster, Sequeiros,
Vilarmel, romaría Nosa Sra. Dos Remedios na Ermida, en Quiroga (8 e 9 de
setembro), entre outras. Para percorrelas hai establecidas varias rotas:
Encomenda, do ouro, de mel e do aceite, e da natureza.
A
contorna de Quiroga está perfectamente delimitada. Ao leste as serras do
Cereixido, do Cabreiro e dos Cabalos. Mentres que polo oeste temos a serra do
Courel, con cordas coma Roxa Longa, co porto Murelo (1480 m.). A serra do
Courel, polo norte, avanza ata os lindeiros bercianos, e forma a cordeleira da
serra bimbreira que entra na nosa bisbarra, afastando dous vales: de Aguiar co
seu río Selmo, e de Barxas.
O Bierzo, maio de 2012.
http://sites.google.com/site/obierzoxa http://www.facebook.com/xabierlagomestre www.twitter.com/obierzoxa http://www.blogoteca.com/obierzoxa http://obierzoceibe.wordpress.com http://www.ciberirmandade.org/falaceive www.ponferrada.org www.partidodelbierzo.es
posted by Xabier Lago Mestre at 2:43 a. m.
0 comments
