VALDEORRAS E A PROVINCIA DE VILAFRANCA DO BIERZO.
VALDEORRAS E MAILA
PROVINCIA DE VILAFRANCA DO BIERZO
Por Javier Lago
Mestre.
Grupo Bierzo provincia de facebook.com
As dúas bisbarras viciñas de
Valdeorras e O Bierzo teñen moitos vincallos históricos. Salientamos a
participación dos dous territorios baixo un mesmo ente institucional. Foi este
a chamada provincia de Vilafranca do Bierzo durante o Trienio Liberal (1820-1823).
Sempre é unha boa xeira para lembrar esta institución política e achegar datos
daquela descoñecidos para a meirande parte dos valdeorreses e bercianos.
A constitución desta provincia
de Vilafranca tivo uns importantes debates políticos, exemplos dos lindeiros
territoriais, o nome da provincia e a capitalidade. Neste caso trataremos o
problema dos seus límites territoriais. Antes convén dicir que durante toda a
Idade Moderna (séculos XVI ao XVIII) existíu a provincia do Bierzo, polo
mandato dos Reis Católicos no ano 1486, baixo a xefatura do corrixidor da vila
reguenga de Ponferrada. A orixe desta peculiar provincia foi consecuencia da
rebelión do conde de Lemos, tralas desputas pola herdanza do seu señorío. A
derrota militar do conde Rodrigo, fronte aos ditos Reis, provocou a perda dos seus territorios bercianos que
pasaron a formar o novo marquesado de Vilafranca, ademáis da merca de
Ponferrada pola Coroa, e a ordenación territorial do Bierzo mediante a constitución
da provincia fiscal.
Esta provincia do Bierzo, do
período coñecido coma Antigo Réxime, estaba formada por algúns territorios da
actual Valdeorras, comprendidos na meirindade de Aguiar (Porto, O Real, Veiga
de Cascallá entre outros), así como da Carballeda (Sobradelo, O Trigal, A
Portela, Lardeira e demais). Pero a novidade da posterior provincia de
Vilafranca do Bierzo foi a inclusión de toda a bisbarra de Valdeorras. Esta
provincia do século XIX abranguía un maior
territorio delimitado pola serra do Eixe ata a ponte de Petín.
OS CRITERIOS
DELIMITADORES DAS PROVINCIAS.
Convén pescudar nesta peculiar
inclusión da bisbarra de Valdeorras na provincia de Vilafranca do Bierzo. Como
antecedentes temos un ditame de 1821, dos relatores Felipe Bauzá y José Agustín
de Larramendi, que indica que “dentro de esta provincia (de León) se ha
formado, con el valle de Valdeorras, la de Ponferrada, que aunque pequeña,
necesaria por hallarse el país que la compone todo cerrado, con puertos
intransitables mucha parte del año, conformidad de costumbres y producciones
(…)”. Así pois, temos eiquí varias razois da unión de Valdeorras co Bierzo, o
intento de medrar o novo territorio provincial, ademais de motivos orográficos,
derivadas do seu illamento, así como os costumes comúns e produciois
agrogandeiras.
A difícil orografía foi
motivación axeitada para demandar a provincia do Bierzo. O deputado leonés
Benito Lobato afirma que unha cabalería "no podía hacer seis (leguas), ni
aun cuatro al día, porque la escabrosidad del terreno no lo permitía
(...)" (DSC. 7 de outubro de 1821). Mentres que o político Mariano Villa
teima no aspecto montañoso para esixir a exención do requisito mínimo de
poboación, "para que las provincias situadas sobre un terreno estéril y
escabroso consigan alguna comodidad, es necesario dejarlas reducidas a menor
población, como sucede a la del Vierzo, situada entre montañas de primer orden
(...)" (DSC. 1 de outubro de 1821).
Como vemos uns deputados
alegaron esta variada caracterización territorial das dúas bisbarras para
fundamentar a necesidade da nova provincia. O presidente da Comisión, Diego
Clemencín, declara que "ésta (provincia do Bierzo) se halla rodeada de
montañas que la aislan y naturalmente la constituyen en un estado de provincia.
Gran parte de sus habitantes viven muchos meses del año como en un mundo
aparte, y no será justo abandonarlos, olvidrse de su comodidad, y privarlos de
los medios de gobernarse en su mismo circuito (...)" (DSC. 2 de outubro de
1821). Esta tese defendía acercar a institución provincial ao territorio cun criterio
de descentralización administrativa.
Sen embargo, outros deputados
criticaron a novo provincia do Bierzo. Porque ésta era moi pequena, cos seus
86.385 habitantes e, polo tanto desaconsellable baixo todos os puntos de vista.
Neste senso falaba o vallisoletano Antonio Ramonet, "las provincias
pequeñas, o de cuarta clase, que propone la Comisión, son en primer lugar,
perjudiciales; en segundo, antieconómicas, y en tercera, anti-políticas
(...)" (DSC. 6 de outubro de 1821).
En fin, os deputados utilizaron
diversos criterios para deseñar o mapa provincial do Estado español. Segundo os
sintetiza o profesor Jacobo García Álvarez, por orde decrecente, poboación (con
límites máximos e mínimos), extensión (tendo en conta a distancia á capital), a
topografía (en relación coas comunicaciois), historia e cultura (linguas
comúns) e mailos intereses políticos locais.
REXEITO GALEGO Á
PROVINCIA DE VILAFRANCA DO BIERZO,
A meirande parte da bisbarra de
Valdeorras formou parte do reino de Galicia durante a Idade Moderna (séculos
XVI ao XVIII), menos os territorios comentados da meirindade de Aguiar e da
Carballeda que estaban incluídos na chamada provincia do Bierzo. Ademais, temos
en conta a pertenza destas e doutras bisbarras galegas no bispado de Astorga.
Malia disto, resultaba lóxica a conciencia colectiva secular destes territorios
de seren galegos. Logo o rexeito á integración de Valdeorras na provincia do
Bierzo foi un feito normal.
Había unha estratexia política
por rematar cos lindeiros históricos entre os reinos peninsulares. Para
entender isto, seguimos as palabras do deputado Diego Clemencín, "la
Comisión ha creído que convenía oponerse y combatir oblicuamente el
provincialismo, ¿Y qué ha hecho para esto?. Reducir los nombres que podían ser,
dejámoslo así, la manzana de la discordia, a territorios más limitados. Ha
creido que tratándose de mudar una costumbre, sólo el alterarla es destruirla,
y que si se quería alguna novedad en la materia, se conseguiría mejor
reduciendo estos nombres célebres a pequeños distritos, que no suprimirlos de una
vez (...)" (DSC. 6 de octubre de 1821). Ese comentado provincialismo se
equiparaba aos históricos reinos do Antigo Régime que pretendían destruír. Para
elo se suprimía o nome dos reinos (como Galicia), dividíase o territorio en
provincias, cuxos nomes serían os das capitais respectivas. E, incluso,
alterando os lindeiros exteriores, coa inclusión de Valdeorras na nova
provincia do Vilafranca do Bierzo.
OS CUESTIONADOS
LINDEIROS ENTRE GALIZA E O BIERZO.
Lóxicamente, ante esta desfeita
territorial, a protesta colectiva dos políticos galegos non se fixo agardar. O
deputado Xosé Moscoso alega que "un gallego, por más que se le diga que
pertenece de ahora en adelante a la provincia del Vierzo siempre será gallego,
pues lo que principalmente distingue las provincias es el dialecto que se habla
en cada una de ellas (...)" (DSC. 2 de outubro de 1821). Dende logo, ese
político descoñecía que no Bierzo occidental falamos tamén galego por tradición
secular.
Voltamos ao deputado Diego
Clemencín para recoller as súas declaraciois a prol da segregación territorial
de Galicia, por razois demográficas, "porque sobraba población para la
formación de las provincias de Galicia y faltaba para la del Bierzo (...)"
(DSC. 2 de outubro de 1821).
Sen embargo, un proxecto de ordenación
territorial de Galicia, feito polo Ministerio de Gobernación, propón uns
limites máis amplos para este antigo reino. "Los límites de aquella
provincia (Galicia) en la grande división hasta la montaña que cae sobre
Foncevadón, punto en que empiezan otras cualidades de clima, figuar terrtorial,
virtud productiva, costumbres, lengua y demás circunstancias enteramente
opuestas a la que hasta allí son comunes con la Galicia" (1820). Como
vemos, Galicia e O Bierzo están vencellados por varias características comúns,
entre elas costumes e lingua galega.
Como resulta lóxico, os
deputados galegos en feixe demandan o mantemento dos lindeiros históricos entre
os reinos de León e Galiza, "pedimos que los límites de la provincia de
Orense y de la del Vierzo se fijen por los antiguos entre León y aquel reino
desde el Cebrero hasta Peña Trevinca, subsistiendo incorporados en la de Orense
todos los pueblos del partido de Valdeorres que la comisión propone se agregen
a la del Vierzo, lo que no podrá verificarse sin perjudicar a los intereses de
los havitantes de ambas provincias, especialmente a los de la de Orense
(...)" (DSC, 21 de octubre de 1821).
Neste debate sobre os lindeiros
da nova provincia de Vilafranca do Bierzo, salientamos tamén a proposta do
deputado Antonio Valcárcel que medra moito o territorio desta pola conca do río
Sil. "Pido que los límites de esta provincia por parte del O. se
estiendan, como más naturales y marcados, al puente Navea siguiendo hacia el N.
el curso de este rio hasta su desembocadura en el Sil por debajo de
Montejurado, y continuando por el valle de Quiroga hasta el límite señalado por
la comisión, que desde el mismo puente Navea hacia el S. vengan por la Sierra
de San Mamed al lugar de la Entrecinsa y pasando el río Cesuba contiuando por
Sierra-Seca y vuelvan al N. por la de Porto entre el lugar de este nombre y
Viana del Bollo a reunirse en la Sierra Segundera y Peña Trevinca propuesta por
la comisión (...)" (DSC, 21 de octubre de 1821).
RESISTENCIAS DOS
POBOS DE VALDEORRAS FRONTE Á PROVINCIA DO BIERZO.
Convén agora facer unha pescuda
nas oponiois dos pobos de Valdeorras ante a súa inclusión na provincia de
Vilafranca do Bierzo. Así, na deputación de León se leu unha proposta do
concello de Priaranza sobre a provincia berciana que dicía que "a fin de
que no accedan a la solicitud de varios ayuntamientos de Galicia, que pretenden
se forme una nueva provincia designando por capital a Villafranca (...)"
(doc. de 25 de octubre de 1820). Logo deducimos que había pobos galegos a prol
da constitución da provincia de Vilafranca.
Respecto desta postura dos
habitantes de Valdeorras a favor de Vilafranca do Bierzo traemos a colación a
opinión de certos cregos da meirindade de Aguiar. Éstes relixiosos fixeron un
escrito colectivo demandando a agregación dos seus pobos ao concello de Vilafranca.
Razonaban así os cregos contra a xustiza administrada polos seus alcaldes
pedáneos, "sin conocimientos ni esperiencia que digan relación a otros
objetos, que sin sugetarse a la fijación de Audiencias en la Capital, ni
proporcionar medios prontos y ciertos de administrar justicia, dedicándose
solamente al fomento de sus particulares intereses, abandonando las sagradas
obligaciones de su Ministerio (...)" (doc. de 20 de junio de 1817, Isidro
García Tato, 1996).
Segundo o historiador Jesús
Burgueño Rivero (1995), os pobos da Rúa e Freixido foron favoráveis á
integración na provincia berciana. Incluso estes dous solicitaron a fixación
dos lindeiros da nova provincia nas pontes de Petín e Bibei (DSC, 13 de
decembro de 1821). Pola contra, os pobos
galegos da antiga meirindade berciana de Aguiar, Veiga de Cascallá, Robledo, O
Porto, O Real, Barrio, Castelo e Leira, manifestáronse claramente sobre a súa
inclusión en Valdeorras (DSC, 13 de abril de 1821).
A capital actual de Valdeorras
se manifestou contraria á inclusión na provincia de Vilafranca. Así o deputado
manchego Ramón Giraldo declarou que recibíu peticiois da bisbarra do Barco,
"no puedo menos de hacer presente la representación que acabo de recibir
de los ayuntamientos de Valdeorras, porque me parece fundamentadísima, y no
encuentro inconveniente en que se acceda a lo que solicitan dejando a esta
provincia con este número menos de habitantes (...)" (DSC, 5 de outubro de
1821). Na sesión seguinte de Cortes volve a debaterse sobre a protesta do Barco
de Valdeorras, "del ayuntamiento del Barco, en solicitud de que no se
aprueben los límites demarcados por la comisión entre las provincias de Lugo,
Orense y la nueva del Vierzo y que no se segregue la villa del Barco de la
provincia de Orense".
Para rematar, un curioso
razonamento dos pobos de Valdeorras sobre a necesidade de manter a súa
representación territorial e política na nova provincia de Vilafranca.
"Entre los fundamentos de su exposición, uno de los principales es que
siendo tan corto número de los pueblos pertenecientes a Galicia que se agregan
a la provincia del Vierzo, sucederá que cuando se trate de elecciones, no
podrán equiligrarse los votos de modo que se reparta este honroso cargo entre
los de una y otra provincia con igual esperanza de ejerecer todos los derechos
de ciudadano, quedando en otro caso perjudicados los pocos pueblos que se
agregan de Galicia por la mayoría tan grande de los del Vierzo (...)"
(DSC, 15 de outubro de 1821). Un claro exemplo da súa defesa da conciencia colectiva
galega fronte ao provincialismo bercianeiro viciño.
O BIERZO, XULLO DE 2020.
www.obierzoceibe.blogspot.com
www.instagram.com/bierzoxa
http://sites.google.com/site/obierzoxa http://www.facebook.com/xabierlagomestre www.twitter.com/obierzoxa http://www.blogoteca.com/obierzoxa http://obierzoceibe.wordpress.com http://www.ciberirmandade.org/falaceive www.ponferrada.org www.partidodelbierzo.es
posted by Xabier Lago Mestre at 1:04 a. m.
0 comments
