miércoles, abril 12, 2006

POLA REGIOM DO BIERZO

POLA REGIOM DO BIERZO,
por Alejandro Rodríguez

Ao fio das reformas estutárias em curso no Estado espanhol, que começarom com as reformas dos estatutos de Valéncia e Catalunya, e às que se iram somando outras comunidades autónomas, diversas vozes tenhem assinalado a necessidade de reformar também a Lei da Comarca do Bierzo, aquela que permitiu que desde 1991 O Bierzo conte, como era de justiza, com entidade oficial e com umha instituiçom própria, que reconhece e ampara politicamente a especificidade histórica, social, geográfica, económica e cultural do Bierzo.

O Conselho Comarcal nom dispom na actualidade de capacidade de iniciativa legislativa ante as Cortes de Castela e Leom, mas resulta evidente que o seu dever e obriga é promover e favorecer, em todos os ámbitos o necessário debate sobre a reforma desta Lei, que cumpliu já os 14 anos. Quigeramos neste artigo fazer fincapé especialmente numha questom tam fundamental como é a própria denominaçom oficial do ente berziano.

Neste sentido, parece-nos necessário modificar a actual denominaçom de Comarca do Bierzo pola mais correcta de Regiom do Bierzo, ou Regiom Berziana, e, por tanto, a modificaçom do nome da nossa instituiçom política, Conselho Comarcal, por outra mais acorde com o amplo, diverso e completo território do Bierzo, como podem ser, por exemplo, Conselho Regional do Bierzo, Conselho Geral do Bierzo ou Junta Geral do Bierzo, sendo esta última, na nossa opiniom, a mais correcta e precissa.

E é que a denominaçom de comarca para um território tam extenso e variado como o nosso resulta a todas luzes incorrecta. Entre outras cousas, porque o certo é que o Bierzo se constitue como umha regiom muito bem definida tanto a nível territorial como sócio-económico. Geograficamente, o Bierzo é um anfiteatro montanhoso com a veiga do rio Sil e os vales dos seus afluentes (Oça, Cabreira, Selmo, Valcarce, Ancares, Cúa, Búrbia...). As comarcas (estas sim, correctamente, comarcas) naturais que integram a nossa regiom, correspondem-se com os vales destes rios e a existência dumha vila importante na sua área: Valcarce, com Vila Franca como núcleo de populaçom; o Cúa, com Fabeiro; Ribas do Sil, com Toreno; Boeça, com Bembibre; o Bierzo baixo, com Ponferrada, e a Cabreira, com a Ponte de Domingos Flores.

Por outra parte, é necessário ter em conta o papel que actualmente jogam as cidades (por riba das vilas ou aldeias) como centros económicos de primeira orde, criando-se à sua volta regions socio-económicas de grande importáncia. No nosso caso, Ponferrada é o grande núcleo desta cidade-regiom que é o Bierzo, extendendo a sua influência mais alá dos seus limites administrativos, e marcando, dumha ou outra forma, a vida das mais de 140.000 pessoas que habitamos nesta regiom.

Por todo isto, consideramos necessário que os responsáveis políticos tenham em conta esta realidade, e a mesma seja plasmada na futura reforma da Lei da “Comarca”.

Assdo. Alejandro Rodríguez,
Historiador
Licenciado em História pola Universidade de Santiago de Compostela

4 Comments:

Anonymous Anónimo said...

unámonos os bercianos que estamos dispostos a traballar e loitar pola consecución de máis autonomia para a nosa terra berciana asoballada polo centralismo de Valladolid e León. Todos e todas para diante co Bierzo liberdado.

4:51 a. m.  
Anonymous Anónimo said...

DAIS PENA.

5:36 a. m.  
Blogger Taliesin said...

¿Y por qué no "Nación Berciana"? Existe la misma especificidad histórica, cultural, etc. como región que como nación.
No sé, creo que no es una forma legítima para avanzar en la potenciación de la identidad berciana el ocultar lo que El Bierzo ha sido durante siglos: una comarca leonesa. ¿Qué quieres denominarla región? Vale. El Bierzo es una región leonesa, históricamente vinculada a una región histórica del Noroeste de la península Ibérica, León.

3:06 a. m.  
Anonymous Anónimo said...

O Bercio sempres foi Lión, nen Galiza nen Castela. Mesmo as palabras "berzio"ia "butelo" vennen de dúas palabras sturlionesas (bierzu)ia (butiellu) buscáilas nu dicionário da ALLA que significan "cuna" ia "estómago".
A bandeira berciá é inspirado nu pendón d´armas du conceillo de ponferrada, logo úa sinna guerreira lionesa.
Que quede ben claro, o feito de que falemos Berciao ou galego oriental non quer decires que sexamos galegos. En México fálase hespannol ia non por iso van seres hespannois; como tamén non son lioneses nin sturianos us mirandeses. Estes son us nosos erros.
POR UNH BERCIO BERCIÁO DE VERDADE

12:25 p. m.  

Publicar un comentario

Links to this post:

Crear un enlace

<< Home