FESTAS DE XUÑO DA REXIÓN DO BIERZO.
AS FESTAS DO MES DE
XUÑO NA REXIÓN DO BIERZO,
por Coletivo cultural
Fala Ceibe do Bierzo.
falaceibe@yahoo.es
FESTAS CIVÍS.
A primeira fin de semana
destacamos dous actos festivos sen igual. O primero é Toural en Tren, con
numerosos actos relacionados co ferrocarril. Dende viaxe en tren a Brañuelas,
mercado ferroviario, feira de alfarería e xantares populares. Tamén hai que
salientar a feira agroturística de Carracedelo, nas mesmas datas, onde se
expoñen todo ltipo de produtos agrarios da nosa rexión. A feira do Viño de Cacabelos (20 e 21 de xuño
de 2015) onde se esgotan os nosos caldos.
En Santo Tomás de Las Ollas,
pedanía do municipio de Ponferrada, festexan Nosa Sra. do Rosario (4 ao 6 de
xuño de 2016). En Finolledo celebran festas do 1 ao 5 de xuño de 2016.
Peñadrada celebra S. Pelaio (26 de xuño). Festas en Finolledo (3 ao 5 de xuño
de 2016).
O SANTO DE BEMBIBRE
CADA SETE ANOS.
No ano 2015 o Santo de Bembibre
sae do seu santuario o sábado 20 de xuño e
volta para el o 28 de mesmo mes. Seguimos no relato histórico as
explicaciois de Manuel Olano Pastor. No ano 1628 ten lugar o milagre que trae a
chuvia tan necesaria a Bembibre e maila contorna. Consecuencia disto, o
concello da vila fai voto de sacar o seu Ecce Homo de xeito periodico en
recordo do milagro. A saída do chamado Santo vai acompañada dos pobos do
arciprestádego do Boeza. Despois da baixada dende o seu santuario é recollido
na igrexa de San Pedro, polo cal debe satisfacer o chamado pago do canon. Trala
estadía de sete días na dita parroquia
volve para o seu santuario para estar pechado durante sete anos. Antigamente o
Santo saía varias veces ao ano para pedir pola chuvia, pero foi a resistencia a
pagar a súa saída, por parte de Castropodame no ano 1902, o que regularizou a
baixada de xeito anual.
FESTAS DE SAN ANTONIO.
Celébrase feira de San Antonio
(13 de xuño) en Vilafranca do Bierzo.
Esta populosa feira ten lugar na contorna do parque da Alameda con numerosos
postos de artesanía, froitas, roupa, apeiros de labranza, alimentos como doces,
fogazas de pan, empanadas, etc. onde tampouco faltan as pulpeiras que se chean
á hora do xantar.
Temos numerosas festividades en
honra de San Antonio de Padua como patrón de Lillo do Bierzo (13 xuño),
Quintela e Oencia, Encinedo, Hervededo
no concello de Camponaraia, Albares de la Ribera na conca do Boeza,
Almagarinos, Parandois na contorna de Toural dos Vaos, o barrio de San Antonio
de Ponferrada, Santa Leocadia na conca do Sil, Pombriego na bisbarra da
Cabreira, Borrenes-Borrés, Boeza en Folgoso da Ribera, Almagariños en
Igueña, Cuevas del Sil, Fresnedelo no
val de Fornela, Lillo de El Bierzo (10 ao 14 de xuño de 2016), Pereda de
Ancares, Campelo, Saceda da Cabreira, Porqueros de la Cepeda, etc.
Traemos eiquí o curioso caso das
festas de San Antonio de Padua en Ponferrada. Durante anos tiveron as súas
festas na parte alta da cidade, no barrio do mesmo nome. A igrexa na súa orixe
foi ermida da Vera Cruz no chamado Campo da Cruz. Esta ermida tivo a súa
confradía da Vera Cruz que organizaba as procesiois correspondentes e mantiña a
fábrica da ermida. Segundo o historiador José Diego Rodríguez Cubero (La ermita
de la Vera Cruz... revista Bierzo, 2014), houbo outra ermida na mezma zona,
dedicada a Santa Marta. Por último dicir que descoñecemos cando foi o cambio de
denominación pola igrexa de S. Antonio porque a confradía deste santo estaba na
igrexa da Encina, intramuros da vila de Ponferrada.
FESTAS DE SAN XOÁN.
Ruiterán celebra S. Xoán (24
xuño). A localidade de Horta ten dedicada a súa igrexa a San Xoán e celebra as
súas festas. Outras celebracios son en
Toreno, Bouzas, Berlanga do Bierzo, San Esteban de Valdueza, Cariseda no val de
Fornela, Paradaseca, a vila de Toreno, A Portela de Valcarce, Vilalibre da
xurisdición, Voces, Carracedo do Mosteiro (24 ao 26 de xuño de 20016), Yeres no
val do Cabreira, Mataotero en Palacios del Sil, Castrillo de Cabrera, Folgoso
de la Ribera, Tremor de Arriba, Colinas del Campo de Martín Moro, barrio de
Mataotero en Palacios del Sil, Otero de Naraguantes, Arborbuena, Prado da
Somoza, etc.
As fogueiras de San Xoán teñen
lugar en moitas localidades da nosa rexión do Bierzo. Salientamos a de San Xoán
da Mata que aproveita esta festividade para elaborar unha grande fogueira que
presume de ser a máis grande de Europa. A Noite Máxica de Valboa celébrase
cunha fogueira arroadeada por unha mesa para a cea de moitos viciños. Todos e
todas cumpren coa tradición de dar sete voltas á fogueira. Ademais de botar un
obxeto ao lume purificador mentres se pide un bo desexo. Outras fogueiras en
Toural dos Vaos, Turienzo Casteñero, Bembibre, ou mailos barrios ponferradinos
da zona Vella, Xudeos e Flores del Sil.
Fogueiras tamén as hai nas
bisbarras de Valdeorras, no Barco, e mailo Courel, Quiroga e Soldón.
FESTAS DE SAN
PEDRO.
Este santo é patrón das localidades
de San Pedro de Paradela (29 de xuño), Otero de Naraguantes en Fabeiro,
Lumeiras, Faro, a vila de Corullón,
Carucedo, S. Pedro de Devesas, barrio de Torenillo, S. Pedro Mallo,
Berlanga do Bierzo, Montes de Valdueza en lembranza do seu mosteiro de S. Pedro
de Montes, S. Pedro de Troes (1 ao 2 de xullo de 2016), Corullón (29 ao 2 de
xullo de 2016), Clemente de Valdueza, Pradela no val de Valcarce, Vilamartín da
Abadía, Orellán, etc. En Ponferrada tamén se intenta recuperar estas festas
arredor na igrexa de S. Pedro.
OUTRAS FESTAS NAS
LOCALIDADES DO BIERZO.
En S. Miguel de Arganza teñen a
festa de S. Bernabé (11 de xuño). Valtuille de Abaixo celebra o San Pelaio (26
de xuño) con Vilar de Corrais, Valdeprado en Palacios del Sil, Santalavilla e
Sotillo da Cabreira, e na ermida do barrio de Peñadrada en pedanía de
Vilamartín del Sil, Salientes en Palacios del Sil, Vilarrubín no val do Selmo .
A romaría da Virxe de Arnado (21 de xuño) xorde en 1976 despois de aparecer a
Virxe no agro de Chadeira. A romaría da Virxe da Aquiana (7 e 8 de xuño) se
realiza na ermida no alto do cumio. Noutrora os viciños de Montes, Vilanova de
Valdueza e San Adrián facían esta romaría de xeito conxunto. Magaz de Enriba
celebra festas de S. Marcial (30 de xuño). Otero de Naraguantes ten festas
patronais para o 24 e 26 de xuño de 2016. En Finolledo celebran a Octava do Corpus
(28 3 29 de xuño de 2019).
No 24 de xullo do 2018 ten lugar
o chamado Desafío de Orellán. Eiquí vanse xuntar pendoes do Bierzo e León para
ir até o miradoiro de Orellán onde haberá un xantar comunal.
FESTAS NA BISBARRA DE VALDEORRAS.
A primeira festa patronal en
celebrarse é en Casaio, no concello de Carballeda de Valdeorras. Trátase do
Corpus (5 ao 7 de xuño) que organiza a xunta veciñal da localidade. O mesmo
acontece na localidade de Viloira xunta á vila do Barco de Valdeorras. Corpus
que celebran con alfombras florais en A Rúa e Petín. En Fontei celebran S.
Antonio (14 de xuño), no municipio da Ráu. Viladequinta ten festas de San Pedro
para o 29 de xuño.
No concello de Rubiá teñen lugar
as festas de San Cristobal (10 de xuño) en O Porto, O Real e Quereño, aínda que
poden desprazar para os meses de verán para que acudan os emigrantes
retornados. Éntoma celebra o seu San Xoán Bautista para o 24 de xuño. A
localidade de O Trigal, no concello da Carballeda, ten a peculiar festa de S.
Caralampio (15 de xuño) onde non falta o xantar popular. En Lardeira ten lugar o 15 de xuño a romaría
da Santísima Trinidade, coñecida popularmente coma O Pai Eterno, que amosa unha
escultura con tres cabezas.
Na bisbarra viciña do Courel ten
lugar a festa do cocho de San Antoño de Padua (13 de xuño) en Meiraos. Eiquí
cantan "San Antoño é un Santo, e irmau do meu marido, cando o meu gando
falta, S. Antoño vai comigo". En Miraz celebran S. Pedro e S. Paulo (29 e
30 de xuño).
FESTAS NA CABREIRA.
Na bisbarra da Cabreira temos
Saceda coas súas festas de S. Antonio (4 de xuño de 2016). A localidade de
Iruela aproveita as festas da Oitava do Corpus (2016) para inaugurar o seu novo
pendón ou pundón a cargo da súa xunta veciñal, "as campás e o pendón do
pobo son". Corporais celebra S. Xoán para os días 24 e 25 de xullo (2016).
E Soutelo da Cabreira festexa S Pelaio (24 ao 26 de xuño 2016).
FESTAS EN PORTUGAL.
O BIERZO, xuño de 2019.
www.facebook.com/javierlagomestre
www.instagram.com/bierzoxa
http://sites.google.com/site/obierzoxa http://www.facebook.com/xabierlagomestre www.twitter.com/obierzoxa http://www.blogoteca.com/obierzoxa http://obierzoceibe.wordpress.com http://www.ciberirmandade.org/falaceive www.ponferrada.org www.partidodelbierzo.es
posted by Xabier Lago Mestre at 1:18 a. m.
0 comments
